Verslawing gaan nie net oor stowwe soos alkohol of dwelms nie, maar ook oor gedrag – die dinge wat jy doen om iets binne jou te verdof, vermy of beheer.

#Addiction

Baie van jou keuses in liefde, werk en konflik is eintlik ou patrone uit jou kinderjare wat hulleself herhaal. Ons ontmasker die idee van “ek is net so”, en vra: Hoeveel van jou lewe is werklik ’n keuse, en hoeveel is ’n herhaling?

#ChildhoodPatterns

In hierdie RSG program verduidelik Dr Louis Awerbuck hoe genetika geestesgesondheid beïnvloed en waarom hierdie kennis ons kan help om geestesgesondheid beter te verstaan.

#MentalHealth

Die mens se brein hou van rituele. Selfs mense wat sê hulle is nie bygelowig nie, doen dit, soos ’n spesifieke lied voor ’n groot oomblik, dieselfde koffiebeker elke oggend, of ’n stil oomblik by ’n graf. Navorsing wys rituele kan angs verlaag, fokus verbeter en ’n gevoel van beheer skep wanneer die lewe soos chaos voel. Trauma verander die brein, maar die brein kan weer verander. Sielkundiges praat van post-traumatiese groei. Mense kan ná groot verlies of trauma sterker, wyser en selfs meer betekenisvol begin leef.

Ons praat oor hoe sosiale media stil-stil jou selfbeeld kan beïnvloed, en hoe jy kan keer dat ander mense se hoogtepunt-oomblikke jou eie lewe minderwaardig laat voel. Sosiale angs gaan nie net oor skaam wees nie. Vir baie mense aktiveer sosiale situasies dieselfde stresreaksie in die brein as ’n werklike bedreiging, met simptome soos hartkloppings, oormatige selfbewustheid en ’n intense vrees om beoordeel te word.

Hoe herken jy die vroeë tekens van depressie? Sielkundige Dr Louis Awerbuck gee insig en leiding oor waarna om op te let.